Om du vil vera ekstra sikker på at ingen kan gjenoppretta dine data ved hjelp av spesialverktøy kan du bruka eit program som overskriv ubrukte deler av disken med tilfeldige data. Det er fleire slike, og mange er gratis. Om maskina alt er gitt bort kan det vera litt seint for dette, men det går alltids an å kontakta mottakar og finna ut om det går an å gjera dette. Bruk i så fall ein versjon av programmet som kan køyrast frå USB utan å installerast på maskina for å unngå at ny eigar får eit uønska program på maskina si.
Som i alle slike tilfelle av opprensking bør det takast kopi av dokument, foto og andre ting som ikkje må gå tapt.
